Detained at Delhi Airport

India in Pakistan rama Surgical Strike a neih zawh hlim, fimkhur zual laiin, ka bag ah Power Bank ka lo dah tel palh a, thlawk chhuak tura thlawhna kan nghah mek laiin, min rawn ko, security leh Air hostess in min hruai kual a, Airport chhungril ah hming sing thlap thlapin kan lut kual a, power bank chu kan phawrh ta a. A ninawm bakah a inthlahrunawm duh hle.

Khandaih khawhlui fan

He hmun hi December 30, 2016 khan Zira Zote nen kan tlawh a, lung a leng ve duh hle.

Helai hi Vanphunga Sailo in kum 1901 a a kaina ‘KHANDAIH” hmun a ni a, khatih lai vel khan Khandaih khua chu in 550 zet an ni a, Mizoram a khaw lian ber a ni e tiin Rev Liangkhaia chuan a ziak a, tin ziaktu dangte pawhin In 700 zet an ni ¬†a, Mizoram a khaw lian ber a ni e an ti bawk a. Engpawhnise, Khandaih khua hi a vanglai chuan, Mizoram a khaw lian ber a ni awm e.

He a hmun hma pawh hi a rem hle a, Mizo history a thil pawimawh tam tak thlenna hmun a ni a. A bik takin Mizo Kristian history ah Khandaih hian hmun pawimawh tak a luah a ni. Khandaih hi Zokhua Sikul dinna hmasaber a nih mai bakah, Khandaih Harhna 8th April, 1906 te, Khandaih Kristian tihduhdahna 1906 leh a hnu lam te, Mizo Kristian Martar hmasa ber Tv Chalbuanga khua a nihnate, Mizo zinga Kohhran danthianghlim a Innei hmasa ber Pu Hrangsaipuia leh Pi Saimanliani te khua a nihnate pawh hian Khandaih hi hmun pawimawh tak a ni tih a ti chiang awm e. Zosap zingah Zosaphluiate, Zosapthara te, Mc Cole te leh Kohhran hruaitu hmasa ten an tlawh fo thin atang pawh hian, Khandaih hi a hunlai chuan khaw pawimawh tak a ni tih a lang thei awm e.