Chalbuanga Khandaih, Mizo Kristian Martar hmasa ber

Mizo Kristian Martar Hmasa ber chanchin hi hriat a thui lo na a, engemaw zat chu hriat theih tura lo chhinchhiah an awm a.

Chalbuanga hi Vanphunga khua, Khandaih tlangval fel leh fing a ni a. A pian kum chu 1882 a ni awm e (source- Upa Lalrinzauva), a pianna hi Khandaih a Vanphunga a kai hma a ni a, a pianna hmun tak hriat mai a harsa hrih deuh, khua an sawn sek hun lai kha a ni si a. Engpawhnise, Vanphunga te chhung (a pa Pawibawiha) khua atanga piang a nih a rinawm.

Chi leh kuang lamah chuan Chhangte hnam a ni a. A pa hminh chu Thilluta a ni a, a nu chu Famthangi a ni. A pa hi a thi hma a, a Nu hovin an hmeithai a. Tlangval fel tak a ni a. Pathian thuawih/ Pathian lam tang (Kristian) hmasa ber te zingah a tel a. 1906 a Kristian tihduhdah lai khan Tlangval fel tak a ni tawh a. A unaute hi paruk an ni a, amah hi a upa lam atanga chhiarin 3na a ni. chu Tlangziki, Chawntuahthangi, Khuallutthangi, Chawngnghilhlovi, Tlangchawiveli te an ni a, tunah dam an awm tawh lo.

A fel zia hriatna chu, hmeithaifa a ni chungin, Vanphunga Sailo, lal ropui tak, Zawlbuk pawh pahnih awmna khua neitu, khatih hunlaia Mizorama khaw lian ber an tih (In 550 chuang – Rev Liangkhaia; In 400 chuang khua – Dr Lalzama Ex Minister; In 700 chuang khua – Upa Khuangchhana) Khandaih lal khan Khawnbawl upa turin a sawm a. Mahse Chalbuanga hi Pathian lam tang (Kristian) a ni tawh a, Lal leh upate chuan Zu an in thin a, Pathian thu an awih ve si lova, chuvang chuan Khawnbawl Upa tura sawmna chu a hnar ta a ni. Hetianga Lal sawmna hnar ngam Tlangval hi an vang hle ang. Pathian a hmuh chian hle vang chauh ah ka ngai (Buata).

Krustian a nih hnu 2.11.1904 khan Zosaphluia kut atangin Khandaih ah Baptisma a chang a. Hemi tum hian Tirkoh Vanchhunga, Zakunga, Pasena, Chhunnema, Rosema leh Dokhuma ten Zosap hi an zui a ni. Baptisma a chan lai hian Tirhkoh Vanchhungan Fenthlirin tui a lo keng a, Pu Hranga (Hrangsaipuia, Khandaih Zirtirtu hmasa, a hnu a Kohhran dana nupui nei hmasa ber kha) chuan hming a lo lam a ni.

Kum 1906 a tihduhdah a hluar takah khan, Upa te zingah an fate Pathianthuawih an awm chuan, Lal leh Upate inkawmhonaah Zu no an sem kan thin a. Upate chuan an fate Pathianthuawih bansan turin an ti ta a, kut an inthlak a. A hnuah upa ni lote pawhin an ti ve a, an fate leh mi fate, Pathianthuawih hote chu kut an thlak zel a.

Tumkhat chu khaw daiah mi pakhat (Kristian) lal ho kut tuara let reng chu Tv Chalbuanga chuan a hmu a, a thi ah a ngai a. A va enchianga, a lo la thi lova. A inah a hruai haw a, a bawihsawm ta a. Chu chu lal lamtrangten an run hle a. Chalbuanga chuan kut a tuar ta a. (Thenkhat chuan Tuthlawh ha suih lohin a hnungah an vua e an ti). Chu an vuakna chu a na hle a, a dam thei lova, a hnu deuhah a thihpui ta a ni an ti.

Tum khat chu a hliam chu a lo hil duak mai a, a Nu chuan, “a dam dawn a nih hi a” a ti a, an fehsan ta a. Mahse tlaia an feh haw chu, Chalbuanga chu a hliam tuar lovin a lo thi ta a ni. Hei hi kum 1906 kha a ni.

to be cont…

(Ziah tum sa reng ka ni lo a, Thianpa VLC an min zawt thut a, chuta message a ka chhanna chu a ni a, a kimchang lo hle na a, he ka site ah hian kan dah ve ang e – Buata)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s