Vawiin chu U Mapuia nen

Vawiin 2.2.2017 Thursday chu, ka’u Mapuia (Vanthuampuia) kan office ah lo kalin, min rawn tlawh hlauh mai a, ka lawm tak zet a ni.

U Mapuia hi, kawng hrang hranga u nih tling tak, rilru tha eltiang, rilru zau leh puitling, midang tana inpe zo tak a ni a. A kianga awm hi a nuam em a, ka rual pha lo hle chungin, ka kawm ve fo tjin a, ani pawhin min ngaina ve tak angin mi a kawm ve zel thin a, ka lawm thin khawp mai.

Han sawi ta zel ila, U Mapuia hi, Mizo history tuipui em em, hriatna zau tak leh thuk tak nei a ni a. Mizo history chhuiin Mizoram khaw hrang hrangah kalin, khaw 200 chuang a tlawh tawh a, hriat pawh a hre hle a ni.

Mahni lam han insawi ve ila, ka pianna, ka khua Khandaih-Phullen leh min thlahtute chanchin, hriat belh zel chak mi ka ni ve a. Chu ka bul leh bal, ka khaw chanchin chu mite pawhin hre ve se ka duh hle thin. Blogger ah Phullen chanchin te ka pho chhuak thin a.

Kan khua chu mi ten an hriat ve theih nan leh an ngaihhlut a, an tlawh ve phahna turin, kan khua leh a chheh vela mi mitla tur leh bengverh tur thil hrang hrang, an thlalak leh chanchinte chu ka lakhawm a, internet ah te ka pho chhuak ve thin. Ka hriat a tlem a, ka neih a tam lova, ka theihna lah a tlem si, chu a chhapah nitin eizawnnah ka lo buai ve bawk nen, tum ang a awm a har hle.

Hetiang kawngah hian U Mapuia hi a hre em em a, a rawn tlak em em a, a tui em em bawk a. Eng hunah pawh, a hman phawt chuan, min pui a, ka zawhna min hrilhfiah sak a, ka hriat loh min hrilh a, ka kal duhnaah min hruai mai thin. A chang leh pukah te kan lut a, a chang leh lehkhabu kan keu a, a chang leh thlalak hlui hlu tak takte kan bih duh fo thin.

Vawiin a lo leng pawh, Mess-a (Malsawmdawngkima) nena kan lo sawi dun tawh. Phullen leh a chheh vela, mipuite hlut leh mite hip thei thil, hman lai thil te nen, kan hmuh theih leh hriat theih ang angte lakhawma, lehkhabu a siam kan duh thute, U Mapuia leh Pu Biaka sawm ve ila, an nin min phurpui ang a, ka lo be dawn nia ti a thu kan dah thu ka hrilh chu, U Mapuia tui zawng, a phur zawng tak a lo ni a. Chu tur chuan thu kan dah ta a.

Kan phur bawk a, zan lamah pawh, hna tul kalsanin U Mapuia nen kan inhmu leh a, kan titi a, kan hlim dun kher mai. Hun remchang neih hunah sawi ho leh a, zawi zawi a hmalak zel kan tum a. Kan phur hle.

Chumi vang chuan tihian thu ka ziak ta duah a nih hi. Duh tawk phawt ang.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s