Marketing System mumal kan neih hma chuan, Shifting Cultivation a bo hlen lo ang

Mizoram ah hian kuthnathawktu – Farmers tam tak kan awm a, ramdang a kuthnathawktu – Farmers an tihte nen khaikhin chuan kan dinhmun a inang lo hle niin a hriat a. Ramchangkanga Farmers te leh keini ram a farmers te phei chu kan dinhmun a inthlau lehzual a, India ram state changkang a farmers-te nen pawh kan dinhmun a inthlau hle a ni awm e.

Kan ram – Mizoram ah chuan eizawnna tha zawk – sawrkar hna leh private company a hna tha zawk hmu lo, kawng dang zawh tur hre lo tam tak ten, ei hmuhna atan Lo kan nei a. Chutih rualin farmers zingah hian, mi fel leh taima tak tak, rem hre tak tak an awm a, tun hnaiah phei chuan farmers zingah lehkha zirsang tak tak pawh an kat nuk bawk. Kan ram inrelbawl dan a la fel tawk loh avangin, farmers te dinhmun hian hma a sawn sawt lo hle a. Kan ramah hian loneitu tam tak awm mah ila, Loneih a eizawn chu, eizawn nan a la awhawm chuang lem loh hle ti ila a dik awm e.

Chuti chung chuan, Loneitu ten, kan damkhawchhuah na kan zawn ve a ngai a, nitinaa kan ei hmuhna tur kan dap a ngai reng bawk si. Sorkar hna thawk dawn ila, lehkha thiam kan ni vek lo va, zirna pawh kan nei vek si lo, chutih nak laiin, a thiam leh tling te pawhin duhsaktu nei tha te an la tluk lo fo leh nghal bawk nen. Kan duh vang reng pawh ni lovin, kan damkhawchhuah nan, hlawk lo mah se, Lo kan neih ngei a ngai thin. Chutiang chuan loneitu ten rim takin an thawk a, chhungkua an chawm a,  Tlangram lo neih – shifting cultivation  hi innghah nan an la hmang trang trang a ni.

Kan rama loneitute dinhmunin hma a sawn theih loha chhan lian tak pakhaat chu Thlai thar hralhna -Marketing System mumal tak kan la nei lo hi a ni. Kan thlai thar chhuahte mumal taka hralhna a awm reng thei thin lo hian nasa takin kuthnathawktute a ti hnual thin. Tlangram lo neih kalsanin, thlai huan nghet leh hlawk zawk pawh siam duh mah ila, kan tharchhuah te man man zawk leh mumal taka hralhna a awm thin miau loh avangin, kuthnathawktu taima ten an thawhrim rah phu tawk dik tak hlawkna an tel ngai lo a, chu chuan beidawnna a thlen fo.

Chutiang chu kan dinhmun a nih miau avangin, sawrkar leh mithiam ten thlai hlawk zawk ching tur leh ram danga an thih thin dan angte min hrilh thin mahse, kan ringhlel rum rum thin. Chutiang dinhmun khirh tak karah chuan, nitin eichawp dap chunga hausak dan tur suangtuah ve reng chu thil har tak a ni. Heng te vang hian, lo neih dan mawlmang ber a kan sawi fo, kan damkhawchhuah ve hram hramna tur min pe thei tu tlangram lo neih dan chi khat -Shifting cultivation chu kan bansan tak tak theih loh phah niin a lang.

Kan thlai thar te mumal taka hralhna – Regulated Market mumal tak duang chhuak ila, kuthathawktu (farmers) te leh kan thlai thar kharchhawngtu te leh kan thlai thar leitute bakah, a lo eiraltu -consumers te thlengin, rualkhai takin a hlawkna kan insem ang a. Loneitu 60% aia tam awmna, kan ram pawh hian hma a sawn phah ngei ang tih a rinawm.

A dik tak chuan, Mizoram a Loneitu – farmers te hi kan that chhe bik lo. Kan dinhmun a la mumal loh em avangin chindan thar kan zawm mai ngam lo a. Kan lo neihdan thrin leh kan hriat chian sa, Tangram lo neih dan – Shifting Cultivation chu, hlawk viau lo mahse, kan damkhawchhuah ve na a ni miau a, kan kalsan mai thei lo a ni. Kan ram Marketing System hi kan siam that hma chuan, shifting cultivation hi a bo hlen tak tak ka la ring lem lo.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s