Hringnunah hmalam thlir a pawimawh

He kan hringnun hi thawnthu bu ang mai a ni nihna lai a awm a. Kan hma hun kan hre lawk thei lo ang hian, lehkhabu pawh kan chhiar hmabak kan hre lawk thei lo.

A lungrun lai leh a lungngaihthlak lai kan chhiar thlen veleh beidawnga kan tawpsan mai chuan, a phek hmabakah engnge lo awm dawn kan hriat loh phah thei a, hlimna leh malsawmna lo thleng tur kha kan chhiar thlen loh phah thei a ni.

Chutiang chuan kan nunah pawh hian, lungngaih mangan kan tawh mek lai hian, beidawng mai lovin, hmalam kan thlir hram hram reng a pawimawh. Tuna kan lungngaihna hian tawp hun a nei dawn a, kan hma lawkah hlimna leh lawmna duhawm tak kan la tawng ve thei a ni tih hi kan hriat reng fo a ngai a ni.

Lungngaih mangan tawh laia, beidawnna rilru nena thutlukna siam ten, thutlukna an siam sual fo va, lungngaih lehzualna an insiam fo. Chutiang mi chuan a hmalam a hlimna leh lawmna, malsawmna awm tam tak awm chu a chhiar thleng lova, a chân phah țhin.

Khawvel mihring tumah hi englai pawha hlim leh lawm em em reng an awm bik lo a, chutiangin, tute mah hi englai pawha mangang leh lungngaia, thlaphang a indawm kun tlawk tlawk reng an awm bik lo. Kan hun kaltawh atang pawhin, kan hlim reng lo a, kan lungngai reng lo tih kan hre thei awm e.

“In hmaah nunna leh thihna, malsawmna leh anchhia ka dah……” (Deu 30:19)  tih Bible a kan hmuh angin, he kan Lei hringnun zinkawngah hian Nunna leh thihna, malsawmna leh anchhia a bet tlat a ni tih kan hriat lawk thiam a, chumi hmachhawn dan chu kan thiam tel a pawimawh a. Kan nitin hun hmannaah duhthlanna dik kan siam thiam a ngai hle a ni.

Lungngaih manganna kan nunah a lo thlen chang pawhin mi pangngai ka ni a, chu chu mi pangngai ka nih avanga ka hmachhawn tur a ni ah ngai thiam ila, ka lungngai reng dawn lo, ka hmaah hlimna a lo la thleng dawn a ni tih ngaihtuah ran chungin, hmalam thlir reng ila, chu tur chuan he kan hringnun hi kan hman thiam a pawimawh hle.

 

Buata Bawihtlung
Dt 28.6.2016, 11:00pm,  Tkt Azl.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s