TUMKAU NI HMAN ŢAN HUN: KUM 500 HMALAMAH SAWI LAWK A NI

Tumkau Ni hi Lal Isua Jerusalem a lal anga a luh na ni a ni a; chu chu a thih hma chiah chawlhkarah a ni. He ni hi Sunday ni ngei a ngaih a ni a (Chiang faka sawi thei erawh an awm lo a ngaih a ni). Hemi hma chiah Ni hi Isuan Lazara Thlan a ta a kaih thawh ni a ngaih anih avângin Lazara Saturday tih a ni bawk. Tumkau hi Hnehna chhinchhiahna atâna hman thin a ni.

Tumkau Ni hman tan kum tak hi hriat chian theih a ni tawh lova. Hriat chian theih chu Isua kha kum 33 a nihin tih hlum a ni.

Tumkau Ni hmasa ber hre tur chuan Isua Thih kum kan hriat tel a ngai a ni. Isua hi AD 28, AD 29, AD 30 etc ah a thi ti te an awm nuk a. Mithiam tamtakte ziah dan hi a dik anih chuan Lal Heroda thih kum 4 BCE khan Isua hi a piang a. Kum 30 a nihin rawngbawl a tan a, kum 3 rawng a bawl hman a, kum 33 a nihin Kraws-ah khenbeh a ni a.

Tichuan, Isua chu kum 33 a dam chuan, AD 29 ah a thi ah a ngaih theih a. Khatih lai khan zero /bial (0) hi an la hmang lo a nih chuan, Isua thih kum hi AD 28-ah pawh a ngaih theih bawk. Hei hi pawm dan tlang lawn tak a ni.

Luka Bung 2:2-5 ah chuan Isua chu Kurinia (Quirinius)-a, Suria ram awptu (Governor) a nih lai a piang angin a ziak a. Quirinius hi 6 CE-ah Governor a ni a. Tichuan Isua chu Quirinius-a Governor a nih kum 6 CE-ah emaw, a hnu hretah emaw a piang ah a ngaih theih bawk. Heti a nih chuan, huam zau deuh hleka chhut chuan, Isua kha 29 BCE leh 39 CE inkarah a thi tih a chiang.

Heti a nih chuan Isua Lal anga JERUSALEM a a luh kum hi AD 28 emaw AD 29 emaw a ni a tih theih ang a, TUMKAU NI (PALM SUNDAY) lo intanna pawh hemi kum vêk hi a ni kan ti thei ang.

Zawlnei Zakaria chuan Isua pian hma kum 500 liam daih tawhah khan, Tumkau Ni – Isua Jerusalema Lal anga a luh tûr thu ni a lo sawi lawk tawh a ni. Zakaria lehkhabu hi 520 – 518 BC vela ziak niin ngaih a ni a.

Zakaria 9:9. “Aw Zion fanu, nasa takin hlim la; Aw Jerusalem fanu, au chhuak rawh! Ngai rawh, i Lal i hnênah a lo kal e; Mi fel a ni a, hnehtu a ni; Inngaitlâwm takin Sabengtung chungah a chuang a, Sabengtungno chung ngeiah.”

Hetia Zawlnei Zakaria in a lo sawi lawk dik chiah maite hi thil mak a ni a, kan Pathian rintlak zia leh dikzia tifamkim tu a ni a. Tin, Isua chu Judate lal, an beisei Messia ngei kha a ni tih a ti chiang hle.

Mithiam tak tak te awm mahse, mahni ban phak tawk te te hian thil hi lo chhui ve zel ila, kan hriatnate a pun ve phah a tiin, hre ve viau niawm takin tihian ziakin ka dah ve fo thin. Mi nuih kan ti za viau a nih pawhin, kan hriatna tlem zia min chhutpui tel se la, an nui lo thei mahna.

# Kum 2013 a ka Fb Note a ka ziah lan tawh a ni.- Buata Bawihtlung

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s