Zing zin zai kan rel e

Naktuk chu vartianah chhuakin, hmarchhak lam zo khua, Mizo Lal zinga lehkha thiam hmasa leh Sailo Lal zinga Matric Pass hmasa ber Pu Lalzidinga Sailo khua, kum 1933 a Chiahpui khua atanga a zuan leh din, a pa Pu Hrangchhuana Sailo lalna khua Khawdungsei khaw per ang deuh a awm, mahse tun hnu a chhehvel khuate aia lian fal ta nalh, khaw nuam tak maiah ka han zin teh ang.

Zingah chhuakin Tuirial, Tuirini pelin Chalfilh to lawt thlir liam chungin Tuivawl lui kan kân chho ang a, Mizoram khamrang mawi ber mai awmna, Tlang huai zinga huai ber mai Sahmula ngei pawhin tualchai nan a a hman ngat, Mawmrang tlang chhuahlam pang hrul hmun rem lamah kalin, Hriang tlang nena an inkar Tuivai lui thlir vawng vawng pahin kan kal zel ang a, favang ni tla turin Sialkal tlang leh Lengteng tlang a chhun en eng no nghulh vel lai taka chu kan tumram chu thlen hman hram kan tum ang a.

Mahse, ka zinpui tur hi 3 idiots film a vawihuiha ang deuh, mi fel danglam tak, sam pial mawi em em thei reng mai, zo nunze mawi leh tlawmngaihna te la tem ve ngai vak lo, zo thlifim leh siktuithiang la dawn ngai vak lo, kawngsir a zun mai hreh em em chunga hmun ualau tak taka hnap hnit leh thruai thruai harsat miah lo, kei aia thu zawk leh nghal nen kan ni dawn tlat a.

Lentupui leh romeizam kar a piang, Tukhumvilik leh Tukloh te lungrualpui thin, Bane chhumhmin Chhihri a dah daih sum dawk ve zat zat tawh thin kha, kan Mizo hnam nun nawmna la tem ve tam lo Vaipa nen kan ni dawn tlat a, kal chhuah hma hauhin kan tumram Zo inpui ah ngei chuan Vai chaw order a ngai nghal pang..! Zo inpui khaw nawmna kan tem tam hman dawn lo a ang khawp mai.

4:30 am ah chhuah tur a ni si a, mut a hun ta, duhtawk phawt ang. Pathian zarah tui takin mu ila, Dam takin kan inhmu leh dawn nia aw u.

(Buata Bawihtlung: Fb post on 6 October at 23:57)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s