Siamtu kutchhuak leilung mawina

Ramngaw- Buata

Siamtu kutchhuak leilung mawina hi he kan zoram ngeiah hian a mawi chuang bik hian ka hre fo thin. Khuanu duan sa anga mualdung tluana ramngaw a’n hring cham pût maite, kawr ruam thuk kikawi tak tak kara tiauchhum thawh hai niawm taka an bawk champut thinte, ruahtuipai chhum ten a hmatiama malsawm ruah an rawn sur tir pawchuai mai thinte hi keini thil cheimawi ve satliah ai chuan a mawi zawk fo lo maw?

Siamtu Pathian pawhin tha a tih em em, he a thilsiam ramngaw thing leh mau, nungcha leh leilungte hu, keinin kan lo suasam vang hian a mawi tur angin a mawi theih loh phah fo thin zawk a. Kumtin lo vata kan hal khuk vut vut hnu pawha an hring leh dup thei thin hi chu kan vannei ngawt mai.

Mahse, engkim mai hian theih tawk chin an nei vek a, he kan ram ngei pawh hi kan dimdawih loh chuan a hring dup thei reng hauh lovang a, kan ramsate ropui Sazuk, Sakei leh nungcha hrang hrangte hi a hming bak hriattur thangtharten an nei lovang a, zo thlifim leh sik tuithiang tui tak hi kan nei reng hauh lavang.

Dik tak chuan heng ramngaw leh nungchate hi Siamtu Pathianin duh taka a siamte an ni a, keini aiin he leilung hi an luah hmasa zawk asin… Hengte hi kan dimdawih erawh chuan, he Leilung hi rei tak kan luah ve theih ka ring hial..!!!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s