MIZORAMAH ZU ZAWRH PHAL A NI TA!

Ni 20th February, 1997 a\anga hman \an Mizorama zu khap burna dan MLTP Act 1995 chu kum17 zet hman a nih hnuah, a thlaktu tur dan thar‘Mizoram Liqour (Prohibition & Control) Bill’ chu ni 10.7.2014 khan Mizoram Assembly-ah passed a ni a, MLPC Act a lo ni ta. He dan thar hnuaiah hian vawiin 16.03.2015 Thawhtanni atang hian phalna neite chuan Zu an zuar chhuak thei ta.

Zu Permit

Zu lei phalna lehkha – Liquor Card

MLTP Act an thlah dul a, MLPC Act siam a nihna chhan kha engvang nge ni ang? mahni inthunun thei lo a, khapna hnuaiah pawh Zu in tur zawng ngar ngar a, Zu avanga buaina leh harsatna siam \hin te vang a ni mai thei. Chu’ng zingah chuan kan tel ve em? Chutiang ho chuan Zu zalenna hnuaiah engtin nge hun an hman zel ang?

Mizoramah Zu MLPC hnuaiah zawrh a ni ta

Zu zawrh tan ni 16.03.2015 Thawhtanni a Zu dawr hawn a nih dan – Vengchhung miten an venga Zu dawr hawn an phal lo deuh vek.

Zalen takin zu in tur a lo awm a ni mai thei, engtin nge kalo hmachhawn ve dawn le? Kan mimal mawhphurhna a sang zual ta hle mai. Mahni inthunun thei leh thei lo a hriat leh zual dawn ta a ang.

Zu in ta ila ka chhiat phah ang em? ka chhungkuain a tuar ang em? kan hmasawnna tur a dal dawn em? ka sum leh paiin a tlin chiah em? ka hriselnain a tlin reng ang em? Ka zahawmna ka vawng nung reng thei em? uluk taka kan chhut a tul ta hle a ni.

MIFCO Canteen Kual Zu dawr - Source - Dingdi

MIFCO Zu Dawr, Canteen Kual – Pic: Dingdi

Mitin hian uluk takin kan tana \ha tur ngaihtuah ila, Sorkar khuah khirhsak ngai, Kohhran hruaitute, YMA leh JAC ten an venpui ngai nih te hi tlawmah la ila, zu a zalen emaw zalen lo emaw mahni inthunun dan tawk i hria ang u.

Revd Chuauthuama kawt

Revd Chuauthuama kawt – Zu zawrh tanni ah zu duh loh vangin Flag dum a zar a, zu that lohnate a tarchhuak

Zu zawrh leh in phalna a awm ta si a, miin Zu permit a neih a, a in avangin dem a, hmuh khaw loh nghal ngawt a rem tawh chiah lo, mahse, Zu vanga a awmdan leh a nunphung a zirin kan en dan leh amaha kan ngaihdan kan siam thei ang.

Mihringah hian Pathianin a tha leh tha lo ngaihtuah theihna ropui tak a dah a, chu chu kan tana \ha tur berin i hmang \heuh ang u.

BB:16.03.2015:Azl

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s