International Women’s Day 2015

Vawiin 8.03.2015 hi International Women’s Day a ni a, rilru chhungril a Nu, Nupui leh hmeichhiate chungchang lo lang hi kan phawrh chhuak ve ang e.

He khawvelah hian, mipate hi hmeichhiate aiin kan chungnung zawk em tih chu ka hre lo. Hun liam tawh kan thlir chuan, hmeichhiate aiin mipate hi kan langsar deuh zawk a, mahse mipate hi kan chungnung zawk a, kan ropui zawk tihna a ni kher lo.

Women's Day pual

Hmeichhiate aiin Mipate hi kan lo chungnung zawk a nih ngai chuan, a chhan chu eng dang vâng mah a ni lo ang, Nupui, Nu, Hmeichhiate vang a ni ang. Hun harsa leh mangan ni ah pawh phatsan mai lova min tawiawm tlat thintu, kan mamawh ang zel a fakselna nena min fuih a, min finchhuah thin tu kan Nu/Nupui – Hmeichhiate hi awm lo ta se, mipate hian tun dinhmun hi kan thleng kher lo ang.

He khawvel mihringte lo pianna, mipa zawng zawng te duat tak a enkawl seilian a dawmkangtu chu Nu – Hmeichhia te hi an ni. Eng anga ropui leh hmingthang pawh ni ila, Nu te zara chu dinhmun chu thleng thei chauh kan ni.

DSC_5130 DSC_4614

A hringtu Nu aia ropui zawk tunge awm thei ang le. Miropui tak pawh i ni mai thei, chu chu i Nu leh pa vang kha a ni lo i ti ngam em? I Nu kha lo awm lo ta se, eng dinhmun nge i thlen ang le? nangmah ang emaw a aia ropui zawk fa i nei ve a nih ngawt loh phei chuan, i Nu nen chuan in tehkhin duh suh. I Nu chuan mi ropui tak fa a hring che asin.

DSC_5092

Thinlung kehsawm khawp a lungngaihna kan tawh chang min thlamuan thin tu chu Nu te hi an ni. Hetiang hun ah chuan nausen ang maia mahni Nu te bula trah vawng vawng kan chak thin. Patling te meuh pawh an bâng bik lo, nupuite dar dawmin lungngaihnate an rum chhuahpui a, rilru chhungril chuan ah mahni hringtu nu te a ko ruai thin.

Dik tak chuan hmeichhiate aia chak, fei leh tuarchhel hi an awm meuh emaw chu le!. Lungngaih mangan kan tawh changa chiang taka lo lang thin chu Nu – Hmeichhiate tawrhchhelna leh chakna hi a ni. Lungngaih mangan kan tawh chuan, kan Nu te hnenah kan in bunruak thin a nih hi. Nu ber chuan lungngaihna chu tuar ve tho mahse, ama tawrhna bakah a chhungkua, a pasal fanaute rawrhna kha tuarpui vein, chhawk zangkhai sak a la tum hram hram thin a sin.

Hillary Clinton in “Nu/hmeichhia te hi he khawvela Thiamna leh theihna chhekkhawl bawm herhchhuahna lian ber an ni” tia a lo sawi angin, finna, thiamna leh theihna tam tak hi Nu te atanga kan neih a ni a. Chhungkaw ropui lo chhuahna bul chu Nu te hi an ni a. Miropui te phênah hian Nu te leh Nupui te an awm a. Mi hlawhtlingte phênah pawh chuti tho chu a ni.

Chhungkaw enkawl leh kaihhruaina a harsatna hrang hrangte hrefiah tu chuan ram inrelbawlna leh kaihhruaina a harsatna hrang hrangte a hrefiah thin“. – Margaret Thatcher “Vantlang nunphung leh ruangam dintu dik tak chu Nu te hi an ni,” – Cher. Heng te hi a dik hmel khawp mai. Khawtlang inlungrualna leh a nawmna hi Nu te ah thui tak a innghat a, ram leh hnam ti zahawm leh zual thei tu chu chhungtin a mi tangkai Nu te hi an ni.

Hetiang taka mi ropui leh thiltithei, chhungtin tana mi tangkai Nu te hi he khawvel tan pawh hian mi tangkai leh hlu ber an ni lo thei lo a, an tel lo chuan khawvel hi engmah a ni lo ang. Nu-Hmeichhia te hi an.lo va hlu em!

Mipa tâna thilpek ropui ber chu Hmeichhia hi a ni.

Happy International Women’s Day – Make it Happen

Buata Bawihtlung: 8.3.2015

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s