KA RILRU – UPATE PUAL

Kan dam miau chuan kum a lo tam ve telh telh a, upat hun kan lo thleng ve leh mai thin. Mahse, hetia awlsam taka sawi ang mai hi chuan a thlen theih ngawt bik loh. Upa, tar kan tih te ang dinhmun a ding tur hian hringnun kawng thui tak zawh tur a awm a, harsatnate leh dinhmun khirh khan tak tak paltlang a ngai a. Hlimna leh lungngaihnate, thil tam tak paltlang hnua nih theih chauh a ni. Chuvang chuan upa nih hi thil namai a ni lo a, malsawmna a ni.

KA PI Single FinalL

Mi then khat chuan upatna hi dinhmun hrehawm leh khirh tak, natna ang hial tein an sawi thin, mahse chutiang ngawt chu a ni lo. Upatna chu chakna, hnehna leh ropuina a ni a. He khawvel hi a duh duh damreina hmun a nih loh zia chu thlanmual a thlanlung atangtein kan hre thei ang a. He kan awmna “Survival of the fittest” a thlen dik theihna hmun kan khawvel ah hian, upate hi eng vanga lo dam rei a, lo upa ta bik nge an nih ang? A thei leh thiam, a tlo leh daihrei te an dingchang thin miau a, chuvang chuan kum upate pawh hi an dam rei ta bik deuh a ni dawn lo’m ni.

Upatna hi vanneihna leh malsawmna a ni a, kan Bible ah ngei pawh, “I Nu leh i pa chawi mawi rawh, ….. chutichuan i tan a tha ang a, Leiah hian i dam rei bawk ang” – (Ephesi 6:2-3) tiin, a duhdan anga awm a, a thu zawmtute malsawmna pek a tiam a, chu malsawmna chu Upate chauhin a an neih theih, he lei a damreina hi a ni.

Ka Pi Chawngliani nen

Khawvel a hnam ropui leh hnam upate hian upate hi an ngaipawimawh em em a. Thangthar ten an nu leh pa, pi leh pute an ngaihthah mai an hlau hle a. China ramah chuan, Tu leh fa puitling tawh (Adult children) te chuan upate an ngaih thah mai loh a, an nu leh pa te phei chu, hmun hla taka awm pawh nise, an tlawh fo thin ngei ngeina tur dan “Elderly Right Law” an siam hial a. Chutiang bawkin France ramah pawh, an nu leh pate nen inzawmna tha tak an neih reng theihna tur dan “Elderly Right Law” an siam ve bawk.

Thangtharte ngaihsan Korean hote pawhin an nu leh pate kum 60-na leh 70-na hi ruai nen ropui takin an lawm sak ngei ngei thin a, chu chu tu leh fate mawhphurhnaah an ngai tlat a ni. Tin, hnam taima leh thawk rim, hah chawlhna atana hun pawh pe phal meuh lo Japan ho chuan September ni 15 hi upate Ni atan an hmang a, a ram pumah chawlh (National Holiday) a ni. Hei bakah hian September Thawhtan vawi 3-na apiang hi kum upate zahna ni (Respect for the aged day) atan an hmang thin bawk.

Pu Thanghrima

Pu Thanghrima Bawihtlung, 1917 a Feren ram kal

Chawngliani & Siamliana

Ka Pi Chawngliani & ka Pu Siamliana ( An nupa in)

Upate hi hnam tin zingah an pawimawh em em vek a. Kan pi leh pute chanchinte, hmasang thilte leh thil tha leh tha lo te kan hriata, kan inhlan chhawn theihna hnar an ni a, ngaihnep ngawt theih an ni lo reng a ni. Hnam upa Judate hnam chanchinah upate ropuina leh pawimawh zia kan hmu a. Nu leh pa, upate chu malsawmna kengtu an nih zia Esauva te unau chanchin atang pawhin kan hriat kha. Keini Mizote pawh hian upate hi kan ngaichang thiam em em a. Kan nu leh pa, kan pi leh pu, upate hian malsawmna hi an keng niin kan ngai a. Nupui pasal inneih kawngahte, serh leh sang thil hrang hrangah upate malsawmna dawn loh kan hlau hle thin.

Pu Vanlalngaia

Pu Vanlalngaia nen Sialsuk Hotel ah

with Pu C Rokhuma

Pu C. Rokhuma nen

Upat hnua awm dan te pawh hi zir tham fe zel a lo ni awm a. Vanglai hun pel a inhria, upa a inngai tam tak hi upa rual ho zingah chuan thalai zinga tleirawl zuanzang deuh ang an ni ve chauh a. Awmdan thiam a har ve chang pawh a awm ang, chuvang chuan inzir an mamawh ve bawk.

Pu VL Chhawna, Ex.MDC & Pu Lalthangfala Sailo, Pre. MAL

Pu VL Chhawna & Pu Lalthangfala Sailo

Pu Chaldailova, National Teacher Awardee and VL Chhawna, Ex. MDC

Pu Chaldailova, National Teacher Awardee leh Pu VL Chhawna, Ex. MDC

Upate hian an tu leh an fate, chhungkua leh khawtlangah dinhmun pawimawh tak an chelh mai a ni lo a, mawhphurhna lian tak an nei tel a ni. Malsawmna thlentu leh chhungkaw tihlimtu an nih theih piah lamah, tu leh fate thlamuang taka awmtir thei tu an ni a. Hmun hla tak tak a chhungkhat laina awmte pawh thlunzawm a, phuar khawm tlat thei tu, chhungkawr ropui tak siam thei tu an ni tih an hriat reng a pawi mawh.

Pu Vanlalngaia, Pu V Lalchhawna, Pu F Lala

Pu Vanlalngaia, Pu VL Chhawna, Pu F. Lala

Pu Rokamlova and Pu Khuangchhana, SDEO Rtd.

Pu Rokamlova and Pu Khuangchhana, SDEO Rtd

Thuhriltu ropui Billy Graham chuan “Upatna hian famkim lohna leh tlakchham tam tak bakah, chona hrang hrang te a keng tel a ni mai thei, mahse chu’ng zawng zawng piah lamah chuan, he kan kum leh hun hnuhnung lam hi, kan damchhung nun atana hlawk tak, manhla tak leh tangkai tak a ni thei a ni” ti a a lo sawi ang khan, kan lo upa ta a, kan chak tawk lo deuh pawh a ni thei, mahse kan hun hnuhnung lam hi dawng dah takin kan hmang mai tur a ni lo a, uluk tak leh tangkai takin hman kan tum zel tur a ni. Upate hian kan kum zat nge kan chhiar dawn kan thil tha tih zat tih te chhut ve thin ila. Tar chak lo, tangkaina nei lo ang mai a in ngai ngawt lovin, kan hun leh nun te tangkai taka hman kan tum ve reng pawh a tha awm e.

10391367_839811889404183_589837813412294459_n

Pi Solfathangi (Pi Soli) te thian ho nen

10408767_756658027719570_2156343883250911148_n

Ni Zaikungi, Pi Solfathangi, Pu VL Chhawna

Kan lo upat tak em avang ngawt te hian kan lo zam palh ang e. Mihringte hi kan kum a tam tawh avanga thi thin kan ni lo va, mihring kan nih avanga thi kan ni zawk tih i hre reng ang u.

Buata Bawihtlung : 12.02.2015, 11:50 PM @ TKT

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s