PHONE KHAWIH NASA

Nikum 2014 kum taw lam atang khan, Social network hrang hran, a bikin Facebook, Twitter, blogger, Google+ etc leh Messaging application hrang hrang – WeChat, Whatsapp etc ah te ka lut tam hle a. News site tlawh a chhiar te, leh google vela thil zawn kual ka hrat hle.

Zingah office kal hmain news chhiar nan mobile phone ka hmang a, chhunah Lunch laiin ka lut zeu zeuh bawk a. Tla ban hnuah ka lutkual leh thin. Mobile phone kaltlang hian chanchin bengverh leh bengvar thlak tak tak ka lo hriat ve phah thin a. News ni kher lo, ka hriat duh thu trangkai leh pawimawh ta. tak ka hriat phah bawk.

Heng bakah hian Internet a ka mimal site thenkhatah Thuziak ka dah ve zeuh zeuh bawk a, siamtu kutchhuak mawi tak tak keima lak leh ngamtlak deuhte lak ka pho chhuak ve thin a. Tin, ka thawhna office site leh vengchhun Kohhran leh pawl hming a site thenkhatah te thu leh hla ka ka dah ve a, mi ziaksa pawh vawn that atan ka dah ve thin bawk.

Internet ah rethei leh hauasa kan inang deuh vek a, tumah inngaih nep ngawt theih a ni lo a, tumah in zah viau hleih theih a ni lo, hmai chhanah kan inhmu miau lo a. Kein ve teh lul pawh Zoram.huapa milarte nen kan inthian a, kan inbia a, kan ti ti thin. Lehkhathiam leh mi ropui tak takte, IAS leh IPS valte, chanchinbu mi leh sakhaw rawngbawltu Padtor te nen thlengin kan nui bawk bawk thei miau a. Internet hi chu a lo nuam em a ni.

Bakah, internet a ka thiante chuan ka Wallet panzia an rawn hmu lo a, ka bank statement a pawisa tlemte rawn intarlang thinte chu an rawn hmu ve lem lo a, ka kekawr tlang phuai fuapt leh ka tawnzau rawng da tawh takte, ka kekawrte mawng pawp te leh ka pheikhawk chhip kaute avangin min kawmserh phah ngai chuang lo a, ka ta chuan an hlu em a. Ka thu leh hla fahrah te te leh ka ngaihdan mawlmang ve tak takte chu min LIKE sak thin baka, min comment sak ve thin si a, ka tan chuan hmuh a nuam thin em a, chuvang chuan Mobile phone hi bih sek loh theih a ni lo….

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s