MIZO UNION HLA

Vice President Nehru-a chuan,
India ram leh Assam hi,
Zalênna kawng a hawng an ti.
Vantlâng kan hlim rual ngei e.

      Zalên ramhual a ngai tawh lo,
      Union in kawng dal a ti che, dal a ti che.
      Tunchinah bâng tawh rawh.

Thlangsappuiin Darbur a pe,
Kumin chu nghâk hrãm hrãm rû.
Zalênna awzãwng a ni lo,
Nahni hmasialna a ni. 

Baithak Arva, Artui khawn leh,
Lal hnungzui reng ka ning tawh.
Kawltu chawina daltu a ni,
Sazai lianpui pui a ni. 

Union Motor a engine leh,
A driver chu rawn hmang la.
Tumah in dàl ruál a ni lo,
Khawvel zalênna a ni. 

Lal seat sawmpanga union in,
A pawm chuang lo’ng e laldãng.
Tuchhuàn dân rothil atân zawng,
Ka pawm thei rêng rêng lo ve. 

Burma union zalên pawlin,
Zalêng nau ang ti nuàr e.
Lal in sak leh fathang chawi chu,
Ka tum tawh rêng rêng lo ve.

———————————————————

(He Union hla hi Pu V.Lalchhawna, Ex.MDC chuan a lehkhabu siam mêk “Autonomy Movement in Mizoram” tih Bu ah tihlan tel a duh a,  a hla hi sakdan dang pawh a awm a ni mai thei, Union hla dang pawh tam tak a awm bawk nen,  a mi rawnte sawi dan a a ziah chu, a print tu tur  Pu R.Lalrawna Gilzom press neitupa chuan a dik lo e a ti a. A dik zawk pawh chu a hre thei mai bik si lo a, tichuan a hre ngei tura ngaih Pu C.Chawngkunga Ex.Minister chu a chenna inah vawiin ni 28.01.2015, 8:30pm hian ka pu, Pu V.Lalchhawna nen chuan kan lenchilh ta a, hetiang hian Pu C.Chawngkunga chuan min lo hrilh ta a ni.

– Buata Bawihtlung)

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s