MARK OF THE NAZARENE

Mark of the Nazarene

Mark of the Nazarene

A kamkeuna – Irag a Kristiante tawrhna- 
Kumin 2014 kum laihawl vel atang khan Muslim kal filawr pawlte chuan Islamic state din turin Irag ramah nasa takin hma an la a, Kristian ho chu July Ni 19 Inrinni hma ngei an inthiar fihlim loh chuan Islam (Muslim) a inlet emaw Pawisa chawi emaw chemte hmanga an nunna lak emaw ah an vau a. 

Kristiante Tihduhdahna a hluar: 
Kumin 2014 August a ISIL ten Irag hmar lam khawpui lian ber Nineveh Province khawpui Mosol an lak atrang khan Irag ramah Kristian te tihduhdahna chu nasa lehzualin a lo hluar ta a. 

Kristian te chu Islam (Muslim) a inlet turin an nawrlui a, an In leh lo, Dawr, Biak In leh Bungruate chu kalsan turin an ti a. Kristiante chu an nghaisa a, chemte a zai leh vihhlum an tawk a, Kristian tam takin nunna an chan a ni. 

Kristiante bungrua chhinchhiah nan ن hman a ni: 
Chutiang invauna leh rikrapna avanga Kristian ten an kalsan an Biak In, an In leh lo, an Dawr leh bungruate chu Muslims kal filawr (ISIS) ho chuan chhinchhiahin, a chhinchhiah nan ن (noon or nun) an ziak zel a. 

Irag Kristiante Khawvelin a ngaihven lo: 
Tuna Irag Kristian te dinhmun hrehawm tak hi Khawvel hian a ngaihven tawk lo hle a, chu ai chuan Israel te kuttuar Hamas te tawrhna a ngaihven em em zawk a. 

Irag Kristiante tan Social Media hmang trangkai: 
Irag Kristiante dinhmun hi an Kristianpui leh Khawvelin a ngaihven theih nan tiin Social Media kaltlangin khawvel pumah beihpui thlak a ni a. He beihpui hian chhinchhiahna atan Muslims ten Kristian te an chhinchhiahna ن (Mark of Nazarene) tho kha hman ve a ni. 

Kristian ten Inlungrualna, beiseina chhinchhiahna atan ن an hmang ve: 
Catholic blog Rorate Caeli chuan he ن hi Islamist (Muslim) hovin thil zahthlak tak chhinchhiahna angin ngai mahse keini chuan beiseina chhinchhiahna anga ngaiin kan inbel mai ang. Kan hrawkhrui min chhah sakin min hnawt chhuak a ni mahna, mahse Kristiante hi khawiah mah kan kalsawn dawn chuang lo tiin thu an chhuah ve bawk. 

Kristian tam takin Irag a Kristiante chu an Support a ni tih tilang turin leh lhawvelin a ngaihven theih nan Muslim ten Kristiante an chhinchhiahna ن (noon or nun) chu Facebook, Twitter etc a Profile Picture atan an hmang ta a, Mizoram ah pawh kan lo hmang ve ta sup sup a nih hi. 

He chhinchhiahna ن hi Eng hawrawp nge?: 
ن (noon or nun) hi Arabic tawng a ni a, an hawrawp a 14-na a ni. Keini hawrawp (Roman) a a tlukpui ber chu ‘N’ hi a ni. 

Tun hma a a Chanchin: 
He hawrawp ن (noon or nun) hi kum zabi 7-na atang khan Kristian te sawi nan hman a ni tawh a. Hetih hunlai hian Muslim leh Kristian te an in rûn thin a ni awm e. Muslim te chuan Kristiante chu hmusit leh diriam takin NASRANI/NAZARENES tiin an ko thin a, Kristian te an kohna leh chhinchhiahna atan hi an hmang thin a ni. 

ن (noon or nun) chu NASRANI/ NAZARENES (Nazareth- Isua seilenna khua) tihnan hman a ni a, tichuan ن (Nasara/ Nazarene) chu Nazareth khaw mite, Isua zuitute, Kristiante sawi nan an lo hmang thin a, tun thlengin an la hmang ta a ni. 

Tunah alar thar leh: 
Tun hnaiah Muslim mal firfiak ten Irag ram hmar lam a thuneihna an chan takah hnu hian Kristiante tihduhdahna a lo hluar thar leh a. Kristiante Biak In, Bungrua, In leh lo rauhsan takte chhinchhiah nan he ن (Mark of the Nazarene) bawk hi Muslim te chuan an hmang leh a, chu chu Kristian ten Irag Kristian te an thlawp zia entirna symbol ah an hmang a, khawvel pumah a lo lar thar lehta a ni

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s