DERHKEN TLANGAH KA LENG

Ni 02.01.2015:

Vawiin hi kum thar ni 2-na a ni a, veng tam takah chuan ruai nen lawm mup mup a ni a, veng thenkhatah erawh Ni 1-ah ruai an theh thung. Keini awm ve na Kohhran Tuikhuahtlangah pawh vawiin hi ruaitheh ni a ni a, kohhran mipui ten hlim takin ruai nen kumthar hi an lawm a, mahse kei ve erawh Derhken tlangah, Xray room-ah ka leng.

Kan bul tan dan leh hun kan lo hman tawh dante duhthusam ni lem lo mahse, Pathian malsawmna kan daqwng a, ka nupui Ahmai chuan naute neih a lo hun der mai a. Fanau duhawm tak kan neih theih nan theih tawp kan chhuah a, Doctor te rawnin vawi tam tak Derhkentlang Durtlang Hospital hi kan pan tawh a, tunah chuan Nau nei tak tak turin vawiin chhun khan he Hospital hi kan lut ta.

A tirah Ni 30.12.2014 kha nau neih ni tura beisei ni a ni a, mahse Doctor in uluk zawka an enfiah hnuah Ni 3.1.2015 chu ni zawk turin ruahmanna min siam saka, chuvang chuan vawiin ni 2.1.2015 hian Hospital-ah hian kan lut ta a ni. Kei leh ka unaunu Mahlimi ten Taxi leh Bike in kan hruai a, chhun 12:00 Noon chuan kan in admit fel der.

Tukin dar 8:00am vel atang khan Ahmai (Ka nupui duh tak) pawh nau nei tur sign hmahruai neiin, thi a put tan a. Mahse, ruahman lawk tawh angin Zanah Doctor a lo kal ang a, ni 3.1.2015 a nei turin Nau veina ruahman sak tum a ni.

Mite hi an lo fel ngawt mai. Thian tha, laina tam takin, “Hospital-ah chuan in lut ta em.”? “Engnge in ang.?” “Naute in nei tawh em?” “Ka rawn kal ve ang” an rawn ti a, a thlamuan thlak duh khawp mai. Durtlang Hopital-ah hian kan thiante hlui khat daih teh meuh chu an thawk ve a, thawktute service a that piah lamah, thiante vang pawh hian kan tlangnelin kan thla a muang hle a, nuam pawh kan ti. Nau nei tur chu vawi tam tak kan in check-up thin a, thiantha te hian min lo buaipuiin min lo dawng sawng thin a, eitur te min lo hlui thin a, a lawm awm duh khawp mai.

Vawiin pawh hian thiante ka hmu nual a, kan in admit fel tawh bawk a, tih tur vak awm hek lo, Michael-an a room (X-Ray) room ah min hruai a, kan ti ti a, ei tur min hlui a, ka khawhar tur min hnem a, internet kan khawih a, a nuam ve khawp mai… duh tawk phawt ang

Advertisements

One thought on “DERHKEN TLANGAH KA LENG

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s